Bu restoranın qarşısında diqqətli olun! - RADAR QURAŞDIRILIB - VİDEO

Bakının bəzi küçə və prospektlərində radarların olmamasından sui-istifadə edən sürücülər hərəkət sürətini aşırlar. Həmin sürücülərə qarşı inzibati məsuliyyət tədbirləri həyata keçirmək məqsədilə mütəmadi olaraq mobil radarlar quraşdırılır. Yəni yol polisi avtomobilinin üzərindəki radarlar vasitəsilə hərəkət sürətini aşan sürücülər müəyyən edilərək cərimələnirlər.

Belə radarlardan biri də paytaxtın Mikayıl Əliyev küçəsində ("Neolit" şadlıq sarayının qarşısında) quraşdırılıb. Burada hərəkət sürətini aşan bir neçə sürücü sosial şəbəkədə məlumat yayıb.

Sürücülərə tövsiyə olunur ki, sürət həddinə daim nəzarət etsinlər və yalnız radarların və ya cərimələrin qorxusundan deyil, ilk növbədə özlərinin və digər yol hərəkəti iştirakçılarının təhlükəsizliyini düşünərək qaydalara əməl etsinlər. Unutmaq olmaz ki, diqqətsizlik və məsuliyyətsizlik təkcə cərimə ilə nəticələnmir, eyni zamanda insan həyatına da ciddi təhlükə yaradır.

Fərid