Bu sürücülər yaşıl işıqda keçsələr belə cərimələnəcəklər - VİDEO

Əksər sürücülər yolayrıcının keçilməsi qaydasını hələ də bilmirlər. Avtosfer.az xəbər verir ki, bu sürücülər əsasən tıxac zamanı yolda daha da gərginlik yaradırlar. Belə ki, yaşıl işığın yanmasını əsas götürən sürücülər yolayrıcından o tərəfdə tıxac olmasını nəzərə almayaraq hərəkətə başlayırlar. Nətəcidə yolayrıcında qalaraq digər istiqamətdən gələn sürücülərin yolunu kəsirlər. Belə olan halda yolayrıcının bütün istiqamətlərində tıxac yaranır. Bu isə yaranmış düyünün üzərinə daha bir düyün vurur və tıxacın gərginləşməsinə gətirib çıxarır.

"Yol hərəkəti haqqında" qanunun 75-ci maddəsində qeyd olunub ki, əgər yolayrıcında, o cümlədən yolun hərəkət hissələrinin kəsişmə yerində, yaxud yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya 1.25 nişanlanması ilə işarələnmiş kəsişmə yerinə daxil olması qadağandır.

Bu xətanı törədən sürücülər 3 bal 80 manat məbləğində cərimə oluna bilərlər.

Könül