Daha bir sosial şəbəkə "qəhrəmanı" - "Ruçnoy" çəkib toz qopardı - VİDEO

Daha bir avtoxuliqanlıq edən sürücü özünü videoya çəkərək sosial şəbəkə hesabında paylaşıb. Avtosfer.az">Avtosfer.az xəbər verir ki, 42-CB-020 qeydiyyat nişanlı "Mercedes" markalı avtomobilin sürücüsü dəfələrlə sərt manevrlər edərək davamlı olaraq təkərlərin yolun səthi ilə sürtünməsi səslərini çıxarıb. Digər görüntüdə sürücü torpaq yolda avtomobili fırladaraq ətrafı görünməz həddə gətirib.

Son zamanlar  düşünmədən bu cür hərəkətləri edən sürücülər özlərini videoya çəkərəl sosial şəbəkə hesabında paylaşır. Onların məqsədi özlərinə izləyici kütləsi yığmaq və xoşagələn rəylər toplamaqdır. Lakin bunun nə dərəcədə təhlükəli olduğunu təəssüf ki, anlamırlar.

Qeyd edək ki, Dövlət Yol Polisi İdarəsi yayılan belə görüntülərə dərhal reaksiya verir və həmin sürücülərin tapılıb məsuliyyətə cəlb edilməsi ilə bağlı tədbirlər həyata keçirir.

Təbriz