Dəfələrlə cərimələnən sürücü yenə də əməlindən dönmür - VİDEO

Paytaxtın Yasamal rayonu ərazisində davamlı olaraq qayda pozan sürücü ifşa edilib.
Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Videodan göründüyü kimi, 99-OS-084 dövlət nömrə nişanlı, “Tofaş” markalı avtomobilin sürücüsü kobud qayda pozuntularına baş vurub. Belə ki, avtomobilə konstruksiya dəyişiklikləri etməklə kifayətlənməyən sürücü əks yola çıxaraq qəza şəraiti yaradıb. Yenidən öz zolağına qayıdan şəxsin avtomobili ön dövlət nömrə nişanı olmadan sürməsi də gözdən qaçmayıb. Həmçinin o, maşını nasaz vəziyyətdə - faralarından biri işləmədiyi halda idarə edib.
Qeyd edək ki, saytımız tərəfindən dəfələrlə işıqlandırılan və aidiyyəti orqan tərəfindən xəbərdarlıq edilərək cərimələnib. Lakin sürücü hələ də törətdiyi əməldən dərs götürməyib. 

Nərmin