Döngəni və ikinci cərgəni zəbt edən sürücülər hərəkəti çətinləşdirdilər - VİDEO

Dayanma-durma qaydasını pozan sürücülər yolda sıxlığa səbəb olublar. Avtosfer.az xəbər verir ki, videogörüntü Əbdürrəhim bəy Haqverdiyev küçəsi ilə İsmayıl bəy Qutqaşınlı küçəsinin kəsişməsində qeydə alınıb. Belə ki, 90-VS-220 qeydiyyat nişanlı "Toyota" markalı avtomobilin sürücüsü döngədə park edərək qaydanı pozub.

90-FO-442 qeydiyyat nişanlı "Toyota" markalı avtomobilin sürücüsü isə ikinci cərgədə dayanaraq gedib-gələn avtomobillərin yolunu kəsib.

Videodan da aydın şəkildə görünür ki, hər iki sürücü yolda hərəkət edən avtomobillərə bilavasitə mane olub.

Könül