Əks istiqamətə çıxan "AA" seriyalı avtomobilin sürücüsü cəzalandırıldı - VİDEO

Aprelin 10-u Binəqədi rayonunda hərəkət edən 10-AA-020 qeydiyyat nişanlı "Mercedes" markalı avtomobilin sürücüsü 1.1 bütöv xəttin tələbini pozaraq əks istiqamətdə ötmə qaydasını pozmuşdu. Həmin görüntülər Avtosfer.az saytında dərc edildikdən sonra Bakı Şəhər Dövlət Yol Polisi İdarəsində sürücü barədə araşdırma aparıldı.

Bakı şəhər DYP idarəsinin bölmə rəisi polis polkovniki Vaqif Əsədov Avtosfer.az-a açıqlamasında bildirib ki, araşdırma zamanı 10-AA-020 qeydiyyat nişanlı "Mercedes" markalı avtomobilin sükanı arxasında sürücü Toğrul Əliyevin olması aşkar olunub. O, törətdiyi xətaya uyğun olaraq inzibati qaydada məsuliyyətə cəlb edilib.
Eyni zamanda işlədiyi şirkətin rəhbəri tərəfindən cəzalandırılaraq işdən azad edilib.

Təbriz