Elektrikli avtomobillərin sığortalanması necə aparılır? - Fərq varmı?

Dünyada elektrik mühərriki ilə işləyən avtomobillərdən istifadə genişlənməkdə davam edir. Bu tendensiya ölkəmizdə də, demək olar ki, müsbət qarşılanır. Sərfiyyatı, komfortu, texniki üstünlükləri bu maşınlara olan diqqəti daha da artırır. Bəs elektrikli avtomobillərin sığortası necə olur? Hansı şərtlərə riayət etmək lazımdır? Yanacaqla işləyən avtomobillərdən fərqli olaraq hansı qayda da sığorta edilir?

Mövzu ilə bağlı sığorta ekspertləri Avtosfer.az-ın suallarını cavablandırıblar.
Sığorta məsələləri üzrə mütəxəsis Emil Ağabağırov bildirib ki, ümumiyyətlə elektrikli avtomobillərin mühərriklərinin həcmi olmadığı üçün onlar at gücü ilə hesablanır:

“Adi qaydada eyni sənədlər - avtomobilin texniki şəhadətnaməsi, sürücünün şəxsiyyət vəsiqəsi, hüquqi şəxsidirsə VÖEN-ni, fiziki şəxsdirsə sürücülük vəsiqəsi tələb olunur. Bu sənədlər sistemə vurulur. Sadəcə qiymətin hesablanmasında mühərrikin həcmi yox, at gücü nəzərə alınır”.
Ekspert VüsaL Bədəlov deyib ki, sığorta zamanı elektrikli avtomobillərin mexaniki nəqiliyyat vasitələrindən heç bir fərqi yoxdur:

“Bu günə kimi elektrikli avtomobillərin onlayn sığortalanmasında problem yaşanırdı. Sistemdəki ümumi problem İcbari Sığorta Bürosunun inteqrasiyanı Dövlət Yol Polisindən alması idi. Bu inteqrasiyada da avtomobilin at gücü yazılmadığına görə xətalar baş verirdi. Hazırda İcbari Sığorta Bürosu bu problemləri aradan qaldırıb. Elektrikli avtomobillərin baza qiyməti 50 manat götürülür və əmsal ikiyə vurularaq 100 manat üzərindən hesablanır. Ardınca digər əmsallar tətbiq olunur. Bunlar nəqiliyyat vasitəsinin ili, sürücünün yaşı, sürücülük təcrübəsi, etibarnamə, nəqliyyat vasitəsinin idarə olunduğu ərazi və sığorta tarixidir. Başqa heç bir fərq yoxdur”.
Ekspert sonda onu da vurğulayıb ki, elektrikli avtomobillərin könüllü sığortalanmasında tariflər fərqlidir. Bu prosesdə avtomobillərin modelinə, istehsal olunan ölkəyə və bazar dəyərinə görə sığorta şirkətlərinin təklifləri fərqlidir.
Eltac Zülfüqaroğlu
Bütöv xətləri heçə sayıb ən sağ zolaqdan ən sola keçdi - 77-NV-052 - VİDEO
Əks yoldan gələn skuter sürücüsü yolayrıcında qəza şəraiti yaratdı - VİDEO
“BakuBus” sürücüsü maşını zolağından çıxmağa məcbur etdi - VİDEO
Qəfil sola manevr edib sürücüyə qorxulu anlar yaşatdı - VİDEO
Bu svetoforun əlavə bölməsi görünmür: Sürücülər boşuna dayanıb gözləyirlər - VİDEO
Bəzi sürücülərin hələ də bu qaydadan xəbəri yoxdur - Bu qədər cərimə və bal düşür - VİDEO
Qaydalardan bixəbər sürücülər motosikletçiyə çətin anlar yaşatdı - VİDEO
Sağ zolağı məşğul edib sola dönən sürücü hərəkətə mane oldu - VİDEO
Motosikletçi ona təhlükə yaradan sürücüyə görün zarafatla nə dedi - VİDEO
Bakıda sürücü nömrəsiz motosikletlə təhlükə saçdı - VİDEO
İki maşının arasından ötmə edən sürücü qorxulu anlar yaşatdı - VİDEO












