Güzgüyə baxmadan manevr edən sürücülər baxın necə təhlükə yaratdılar - VİDEO

Abşeron yarımadasının müxtəlif ərazilərində eyni qayda pozuntusunu törədən sürücülərin görüntüləri videoqeydiyyatçıya düşüb.

Avtosfer.az-ın məlumatına görə, 99-CA-995 dövlət nömrə nişanlı “Hyundai” markalı avtomobilin sürücüsü Sumqayıtın 1-ci mikrorayonu Sülh küçəsində  hərəkətdə olarkən manevr qaydasını pozub. Belə ki, o, güzgüyə baxmadan sol zolağa keçib və bu zaman həmin zolaqdakı sürücüyə qəza şəraiti yaradıb. 

Zirə-Pirallahı yolunda qeydə alınmış digər görüntüdə isə 99-UN-983 dövlət nömrə nişanlı “Ford Transit” markalı yük maşınının sürücüsü qəza təhlükəsi yaradıb. O, hərəkətdə olan maşına əhəmiyyət vermədən birbaşa sol zolağa manevr edib. Xoşbəxtlikdən görüntünü qeydə alan sürücü ehtiyatlı davranaraq təhlükəni dəf edib.

Qanunvericiliyə görə, sürücü hərəkətə başlamazdan, yerdəyişməzdən, dönməzdən, ötməzdən və dayanmazdan qabaq müvafiq istiqamətə dönmək üçün xarici işıq siqnallarının köməyi ilə siqnal verməli və daxil olacağı zolağın boş olduğuna əmin olduqdan sonra manevri həyata keçirməlidir.

Nərmin