Hamı tıxacda gözləyir, bu iki sürücü isə "protiv" sürüb hörmətsizlik edir - VİDEO

Bakıda qaydaları kobud şəkildə pozan sürücülərin videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə oktyabrın 16-da, paytaxtın Əsəd Əhmədov küçəsində baş verib. Belə ki, 99-MY-796 qeydiyyat nişanlı "Opel" markalı və 90-KE-798 qeydiyyat nişanlı "Mitsubishi" markalı avtomobilin sürücüləri tıxac zamanı qoşa xəttin tələbini pozaraq əks istiqamətli yola çıxıblar. Eyni zamanda qarşıdan gələn avtomobillərin üzərinə sürərək onlara təhlükə yaradıblar.

Xatırladaq ki, bu xətaya görə İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.

Fərid