Hara gəldi "dürtülən" sürücülərin yaratdığı ciddi problem - FOTO

Paytaxtın Mirzəağa Əliyev küçəsində (Nəriman Nərimanov prospekti ilə kəsişmədə) hər gün səkinin qarşısını kəsən avtomobillər piyadalara həm maneə, həm də təhlükə yaradır. Avtosfer.az xəbər verir ki, sakinlər ən çox uşaqlara görə narahat olurlar. "Bu günlərdə yola çıxan uşağı az qala maşın vuracaqdı" deyə sakinlərdən biri narahatlığınl ifadə edib. 

Qeyd edək ki, ərazidə uşaq arabası ilə hərəkət edən piyadalar da çox əziyyət çəkir və təhlükə ilə üzləşirlər.

"Ümumiyyətlə, bu yolda maşınlar necə gəldi park edilir. İndi hara müraciət etməliyik?” - deyə sakinlər çarəsiz qaldıqlarını dilə gətirib. 

Leyla