Avtosfer.az | Reklam
Karantin dövründə 47 min inzibati protokol TƏRTİB OLUNUB — RƏSMİ
Qaydalar 5 May 2020 12:30 Oxunub 1053
Karantin dövründə 47 min inzibati protokol TƏRTİB OLUNUB               — RƏSMİ
Ciddi qayda pozuntularına yol verənlər həbs edilib

"Karantin dövründə vətəndaşların karantin rejiminin qaydalarını pozan ən ağlasığmaz hərəkətlərin şahidi olduq". Avtosfer.az xəbər verir ki, bunu Bakı Şəhər Dövlət Yol Polisi İdarəsinin (BŞDYPİ) şöbə rəisi,  polis polkovniki Vaqif Əsədov deyib. Onun sözlərinə görə,  respublika ərazisində, xüsusən də Bakı və Abşeron yarımadasına girişlərdə yaradılan  yoxlama keçid postlarında insanların ən ağlasığmaz formalarda qayda pozuntuları aşkarlanıb. “Yükdaşıyan nəqliyyat vasitələrində, təcili tibbi yardım maşınında xəstə adı altında, avtomobilin yük yerində, postlardan kənar piyada və ya gizlin çöl yolları  və sair bu kimi qayda pozuntuları aşkar edilərək, qarşısı alınıb. Xeyli belə faktlar  aşkarlanıb. Onu deyə bilərəm ki, karantin rejimini pozanlara qarşı  47 min inzibati protokol tərtib olunub. Ciddi qayda pozuntularına yol verənlər həbs edilib”- V.Əsədov bildirib.
 O əlavə edib ki, bu gün Azərbaycan polisi gözəgörünməz koronavirusla mübarizədə sinəsini qabağa verərək, ön cəbhədədir. “Azərbaycan polisləri  vətəndaşlarımızın virusa yoluxmasının qarşısının alınması üçün əllərindən gələni edir və bu məqsədlə də gücləndirilmiş iş rejimində  çalışırlar. 
Onu da qeyd edim ki, həyata keçirilən maarifləndirmə  və təbliğat işləri nəticəsində polislə vətəndaş arasında bir həmrəylik və qarşılıqlı anlaşma yaranıb. Məhz bu görülən məqsədyönlü fəaliyyətin nəticəsidir ki, ölkəmiz digər ölkələrlə müqayisədə  koronavirus epidemiyasına qarşı mübarizədə  ciddi uğrular əldə edib”- V. Əsədov bildirib.
 O eyni zamanda əlvə edib ki, həyata keçirilən təbliğat işləri nəticəsində son vaxtlarda karantin rejim qaydalarını pozanların da sayı xeyli azalıb: “Bundan əlavə olaraq yol nəqliyyat hadisələrinin və ölüm hallarının sayında xeyli azalma müşahidə edilir".

ŞƏRH YAZ
Ad

E-mail

Şərh