Keçiddə dayanmayan sürücü təhlükə yaratdı - Qadın özünü ölümdən qurtardı - VİDEO

Xırdalanda piyada keçidində baş verən təhlükəli anların görüntüsü avtomobildəki kameraya düşüb. Avtosfer.az xəbər verir ki, hadisə sentyabrın 15-də, Hacı Zeynalabdin Tağıyev küçəsində baş verib. Belə ki, 77-EN-370 qeydiyyat nişanlı "Geely" markalı avtomobilin sürücüsü keçiddə avtomobillərin dayanmasına əhəmiyyət verməyərək hərəkətinə davam edib. Bu zaman keçiddə hərəkət edən qadının üzərinə sürərək ona təhlükəli anlar yaşadıb. Qadın dayanaraq özünü ölümdən xilas edib.

"Yol hərəkəti haqqında" qanunun 54-cü maddəsində qeyd olunub ki, əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.


Fərid