"Land Cruiser" işıq dirəyini qopardı: Şok qəzanın səbəbləri - VİDEO

Bakıda yüksək sürətlə hərəkət edib qəzaya düşən sürücünün dəhşətli görüntüsü təhlükəsiz şəhər kamerasına düşüb. Avtosfer.az xəbər verir ki, paytaxtın Nobel prospektində hərəkət edən "Toyota Land Cruiser" markalı avtomobilin sürücüsü yüksək sürətlə hərəkət edərək idarəetməni itirib və sonra ayırıcı zolağın üzərinə çıxaraq işıq dirəyini aşırıb. Qəzanın səbəbləri araşdırldıqda məlum olub ki, sürücü sükan arxasında telefondan istifadə etdiyi üçün fikri yoldan yayınıb. Bu zaman sərt döngəyə daxil olan zaman idarəetməni itirərək ağır qəzaya düşüb.

Bakı Şəhər Dövlət Yol Polisi idarəsinin şöbə rəisi Vaqif Əsədov bildirir ki, "hündür avtomobil idarə edən sürücülər bəzən təhlükəsizlik kəməri taxmır və ümumilikdə təhlükəsizlik qaydalarına riayət etmir. Onlar elə düşünür ki, bu tip avtomobillərlə qəzaya düşəndə xəsarət və ya ölüm olmur.  Lakin videoda göründüyü kimi zərbənin təsirindən təhlükəsizlik yastıqları açılaraq avtomobil aşır. Baş verən qəzanın xəsarətsiz ötüşməsi mümkünsüz görünür. Ona görə də avtomobilin markasından, modelindən, tipindən asılı olmayaraq mütləq təhlükəsizlik kəmərləri taxılmalı və qaydalara riayət olunmalıdır".

Qeyd edək ki, hadisə bir müddət əvvəl baş verib.

Təbriz