Lənkəranı bir-birinə qatan "avtoş" taksi sürücüsü "Prius"la şou göstərdi - VİDEO

Lənkəran şəhərində avtoxuliqanlıq edən “Toyota Prius” markalı avtomobilin videogörüntüsünü oxuculardan biri Avtosfer.az-ın qaynar xəttinə göndərib. Belə ki, “Uber” şirkətinin loqosu olan 99-FL-773 qeydiyyat nişanlı “Prius”un sürücüsü Lənkəran şəhərində davamlı olaraq yol hərəkəti qaydasını pozaraq təhlükəli hərəkətlər edib. O, dəfələrlə əl əyləci vasitəsilə avomobili fırladaraq şou göstərib.  Daha sonra dairəvi hərəkət təşkil edilmiş yolayrıcında avtomobili fırladaraq, dairənin əksi istiqamətinə hərəkət edərək digər hərəkət iştirakçılarına təhlükəli vəziyyət yaradıb. Eyni zamanda sürücü avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına yol verib.

Leyla