Qəzadan yayınmaq üçün sərt tormoz verən sürücü qorxulu anlar yaşatdı - VİDEO

Bakı-Qazax yolunda qorxulu anlar yaşadan sürücünün hərəkəti Avtosfer.az">Avtosfer.az-ın kamerasına düşüb. Belə ki, Qazaxbəyli kəndi yaxınlığında hərəkət edən "VAZ-2106" markalı avtomobilin sürücüsü qarşıdakı avtomobillə toqquşmamaq üçün qəfil əyləcdən istifadə edib. Abs sistemi olmadığı üçün avtomobil çəpəki tormozlama edərək digər sürücülərə qorxulu anlar yaşadıb. Xoşbəxtlikdən hadisə qəzasız nəticələnib.
Videodan da göründüyü kimi sözügedən avtomobilin qeydiyyat nişanı da yerində olmayıb.

Abs sistemi olmayan nəqliyyat vasitələrini idarə edən sürücülərə tövsiyə edirik ki, hərəkət zamanı qarşıdakı avtomobillərlə kifayət qədər ara məsafəsi seçsinlər. Bu cür avtomobillərin hərəkət sürətinə görə ara məsafəsi elə seçilməlidir ki, qəfil əyləcdən istifadə olunmasına lüzum olmasın. Çünki həm abs sisteminin olmaması, həm də nəqliyyat vasitəsinin tormoz sistemində olan nasazlıq ağır qəzalara yol aça bilər.
 

Təbriz