Maşını olmayan sürücü cərimələndi - BNA-dan AÇIQLAMA - FOTO

Bakıda avtomobili olmayan şəxs dayanma-durmaya görə cərimələnib. Bu barədə oxucu redaksiyamıza şikayət ünvanlayaraq başına gələnləri bizə danışıb. Avtosfer.az xəbər verir ki, Heydərbaba Hüseynov adlı oxucu bildirir ki, aprelin 14-ü sürücülük vəsiqəsi alıb və həmin günü də Bakı Nəqliyyat Agentliyi tərəfindən cərimələnib.

“Mən imtahan verib sürücülük vəsiqəsi aldım, amma hələ ki, maşınım yoxdur. Yəni sürücülük vəsiqəsi alandan bəri maşın sürməmişəm. Lakin Bakı Nəqliyyat Agentliyi mənə 20 manat cərimə yazaraq dayanma durma qaydasını pozduğumu bildirib. Asanpay.az saytında elektron kabinet yaradarkən məlum oldu ki, 99-TG-175 qeydiyyat nişanlı “Kia” markalı avtomobil dayanma-durma qaydasını pozub. Onun cəriməsi isə mənə yazılıb. Bunu Bakı Nəqliyyat Agentliyinə bildirsəm də onlar heç bir tədbir görmədi”- deyərək oxucu bildirib.

Bakı Nəqliyyat Agentliyinin şöbə müdiri Mais Ağayev Avtosfer.az-a açıqlamasında bildirib ki, protokolun tərtib olunmasında əməkdaşların heç bir günahı yoxdur. Çünki mərkəzi məlumat xidmətində bu avtomobilin sürücüsü Heydərbaba Hüseynov göstərilib. Ona görə də protokol avtomatik olaraq həmin şəxsin adına tərtib olunub. Sürücü bunun səbəbini notariat kontoru ilə dəqiqləşdirməlidir.

Təbriz