Maşını yolun ortasına atıb gedən sürücü çətinlik yaratdı - FOTO

Maşını yolun ortasında park edib gedən sürücü avtomobillərin yolunu kəsib. Oxuculardan  biri qeydə aldığı videonu Avtosfer.az-ın qaynar xəttinə göndərib. Belə ki, 10-DH-929 qeydiyyat nişanlı “Mercedes” markalı avtomobilin sürücüsü “Sədərək” ticarət mərkəzində park edilən avtomobillərin arxasında maşını saxlayaraq oradan uzaqlaşıb. Avtomobilini park etmiş sürücülərdən biri həmin maşına görə oradan çıxa bilməyib.

Bəzən sürücülər öz rahatlıqları üçün avtomobili istədikləri yerdə saxlayaraq hərəkət iştirakçılarına maneə yaradırlar və onları çətin vəziyyətə salırlar. İrad bildirdikdə isə üzr istəyib növbəti dəfə bu səhvə yol verməmək əvəzinə, “tələsirdim”, “5 dəqiqəlik saxlamışdım”, “başqa yer yox idi” və.s bu kimi bəhanələr gətirərək özlərinə haqq qazandırmağa çalışırlar. Lakin onlara qarşı belə bir hərəkət olunsa, qarşı tərəfi asıb-kəsməyə başlayırlar.

Şəfa