“Niva” sürücüsü qoşa xətdən sağa-sola keçib “hoqqa” verdi - VİDEO

Paytaxtın Nizami rayonunda yol hərəkəti qaydalarını kobud şıkildə pozan sürücü kameraya düşüb.

Avtosfer.az-ın məlumatına görə, hadisə oktyabrın 23-də saat 18:00 radələrində Bəkir Çobanzadə küçəsində qeydə alınıb.

Belə ki, 77-HG-063 dövlət nömrə nişanlı “Niva” markalı avtomobilin sürücüsü əvvəlcə hərəkət etdiyi zolaqdan qəfil sola manevr edərək digər nəqliyyat vasitələri üçün təhlükəli vəziyyət yaradıb. Daha sonra o, qoşa xəttin tələbini pozaraq əks istiqamətli hərəkət zolağına çıxıb. Qısa müddət sonra sürücü yenidən öz zolağına qayıdıb və sağa dönmək üçün sağ zolağa manevr edib.

Sürücünün bu cür manevrləri həm hərəkətin təhlükəsizliyini pozur, həm də digər sürücüləri qəfil vəziyyətlərə reaksiya verməyə məcbur edir. Hər bir sürücü yol nişanlanma xətlərinin tələblərinə əməl etməli və manevrləri təhlükəsiz şəraitdə yerinə yetirməlidir. 

Nərmin