Növbədə gözləməyən sürücü geriyə dönmə yerində sıxlığa səbəb oldu - VİDEO

Abşeron rayonu ərazisində qayda pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə oktyabrın 14-də, Xırdalan-Novxanı yolunda baş verib. 10-XM-019 qeydiyyat nişanlı "BMW" markalı avtomobilin sürücüsü bütöv xəttin tələbini pozaraq geriyə dönmə yerinə daxil olub. Bu zaman digər sürücülərin önünə keçərək yolda sıxlığa səbəb olub.

Qeyd edək ki, sözügedən ərazidə əksər sürücülər manevri bu formada həyata keçirir. Bütöv xəttin tələbini pozmaqla manevr edən sürücülər yolda axının qarşısını kəsdikləri üçün sıxlığa, hətta tıxaca səbəb olurlar.

Leyla