Özlərini ölümsüz hesab edən piyadaların təhlükəli videoları

Paytaxtda qayda pozan piyadaların görüntüsü kameraya qeyd olunub. Avtosfer.az">Avtosfer.az xəbər verir ki, Heydər Əliyev və Ziya Bünyadov prospektlərində piyada keçidindən istifadə etməyərək bir başa yolun hərəkət hissəsindən keçən iki piyada, həm özlərini, həm də sürücüləri təhlükə altına atır.
Qeyd edək ki, hər iki prospektdə piyadavurma halları dəfələrlə müşahidə olunub. Lakin insanlar bundan bir nəticə çıxartmaq istəmir.

Yolda qaydaları pozaraq hərəkət edən həm piyadalar, həm də sürücülər özlərini ölməz, əbədi sayırlar. Əgər belədirsə sual yaranır ki, bəs qəzalarda ölənlər kimdir?
Təbii ki, bu belə deyil. Xırda səhvlər qayda pozan şəxslə yanaşı, digər hərəkət iştirakçılarının da ölümünə səbəb ola bilər. Ona görə də, 1-2 dəqiqə vaxt itirməmək üçün özünüzü və digər insanaları təhlükə altına atmayın.

Fərid