Piyada keçidinin üzərində dayanan sürücü hərəkəti çətinləşdirdi - VİDEO

Bakıda avtomobilini park edən sürücü piyadaların hərəkətini məhdudlaşdırıb. Avtosfer.az xəbər verir ki, 99-OM-097 qeydiyyat nişanlı “Kia Optima” markalı avtomobilin sürücüsü piyada keçidinin üzərində parklanma qaydasını pozaraq hərəkət iştirakçılarına mane olub. Bununla yanaşı o həm də avtomobili səkiyə bucaq altında park edərək avtomobillərin hərəkətini də çətinləşdirmiş olur.

Ümumilikdə gün ərzində dayanma-durma və parklanma qaydalarını pozan kifayət qədər sürücülərlə rastlaşırıq. Onlar “tələsirəm”, “aptekə gedirəm”, “dayanmağa başqa yer yoxdur” kimi müxtəlif bəhanələr gətirirlər. Lakin düşünməlidirlər ki, qaydaları pozmaqla öz rahatlıqlarını təmin etməklə yanaşı digər hərəkət iştirakçılarına maneə yaradaraq onların rahatlıqlarını pozurlar.

Fərid