Piyada ölümdən son anda yayındı - VİDEO

Bakıda qaydaları pozan piyada və sürücü qəzadan son anda yayına bilib. Avtosfer.az xəbər verir ki, yanvarın 8-i paytaxtın Heydər Əliyev prospektində yolun müəyyən olunmayan hissəsindən yolu keçmək istəyən piyada yüksək sürətlə hərəkət edən avtomobillə üzləşib. Avtomobilin sürücüsü sürəti azaldıb sola manevr edərək piyadanı vurmaqdan yayına bilib. Qeyd edək ki, həmin yerdə piyadalar üçün yeraltı piyada keçidi də mövcuddur. Lakin bir çox hallarda piyadalar səhlənkarlıq edərək yolu piyada keçidindən yox, təhlükəli şəkildə avtomobillərin arası ilə keçirlər. Bu isə həm sürücülərə, həm də piyadaların özlərinə təhlükədir.

Fərid