Magistal yolda "ölüm saçan" sürücü cərimələnib - YENİLƏNİB - VİDEO

Qaydalar 8 Aprel 2021 20:30 Oxunub 3886
Magistal yolda "ölüm saçan" sürücü cərimələnib   - YENİLƏNİB - VİDEO
WhatsApp kanalımıza abunə ola bilərsiniz

Xaldan-Şəki yolunda qayda pozan sürücü cəzalandırılıb. Baş Dövlət Yol Polisi İdarəsinin şöbə rəisi,  polis polkovnik-leytenantı Namidan Piriyev Avtosfer.az-a bildirib ki, sürücü, Balakən rayon sakini Mustafayev Samir Sadiq oğlu aşkarlanıb və barəsində müvafiq olaraq tədbir görülüb. 

Qeyd edək ki, aprelin 2-i Xaldan-Şəki avtomobil yolunda hərəkət edən 5200 İD tranzit qeydiyyat nişanlı "Hyundai" markalı avtomobilin sürücüsü ötmə qaydasını pozaraq təhlükəli vəziyyət yaradıb. Avtosfer.az">Avtosfer.az xəbər verir ki, qeyd olunan avtomobilin sürücüsü əks istiqamətli hərəkət zolağına çıxaraq ötmə əməliyyatı edib. Bu zaman qarşıdan gələn avtomobilin sürücüsü toqquşacağını görərək yoldan kənara çıxıb.

Qanunvericilikdə qeyd olunub ki, sürücü əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan
gələn və bu zolaqda gedən nəqliyyat vasitələri üçün maneə yaratmayacaq. O cümlədən qarşıdan gələn və bu zolaqda gedən nəqliyyat vasitələri üçün təhlükə və ya maneə yaratmadan çıxmaq
istədiyi hərəkət zolağı kifayət edən məsafədə boşdur və iki nəqliyyat vasitəsinin nisbi sürəti ötməni kifayət
qədər qısa müddətdə başa çatdırmağa imkan verəcəkdir.

Sürücülər bəzən düşünür ki, asfaltda qırıq-qırıq xətt varsa istədikləri kimi ötmə əməliyyatı edə bilərlər. Lakin xəttin qırıq olması və ötməyə icazə verməsi, o demək deyil ki, necə gəldi manevr etməlidir.

 

Təbriz

ŞƏRH YAZ
Ad

E-mail

Şərh