Qırmızıda yolayrıcına qəfil girən sürücü qəza riski yaratdı - Baxın sonda nə oldu - VİDEO

Abşeron rayonu, Masazır dairəsində yol hərəkəti qaydasını pozan sürücü avtomobil kamerasına düşüb.

Avtosfer.az-ın məlumatına görə, hadisə dekabrın 7-də saat 20:30 radələrində qeydə alınıb. Görüntülərdən məlum olur ki, 77-XZ-824 dövlət nömrə nişanlı “Ford Transit” markalı yük avtomobilinin sürücüsü yolayrıcının keçilməsi qaydasını pozub.

Belə ki, o, nizamlayıcının qırmızı işığına məhəl qoymadan hərəkətdə olan avtomobilin yoluna qəfil çıxaraq təhlükəli vəziyyət yaradıb. Nəticədə görüntünü qeydə alan sürücü qəza riski ilə üzləşib. Xoşbəxtlikdən o, vaxtında dayanaraq mümkün toqquşmanın qarşısını alıb.

Hadisə zamanı avtomobildə olan azyaşlı uşaq qorxaraq həyəcan keçirib. Daha sonra sürücü qayda pozan avtomobilə yaxınlaşaraq iradını bildirib. Yük maşınının sürücüsü isə törətdiyi xətanı qəbul edərək üzr istəyib.

Nərmin