Rayon yolunda təyyarə sürəti ilə gedən motosikletçi saxlanıldı - VİDEO

Motosikleti yüksək sürətlə sürüb etdiyi hərəkətlə fəxr edən sürücü saxlanılıb. Baş Dövlət Yol Polisi İdarəsi Avtosfer.az">Avtosfer.az saytında yayılan məlumata dərhal reaksiya verərək 10-B-712 qeydiyyat nişanlı "Suzuki" markalı motosikletin sürücüsünü saxlayıb. İdarəyə dəvət olunan sürücü Şirinov Murad Hüseyn oğlu izahatında bildirib ki, həmin vaxt  motosikleti 110 km/saat sürətlə idarə edib. Lakin sonradan videomontaj proqramı vasitəsilə görüntüyə redaktə edərək guya 300 km/saat sürətlə hərəkət etdiyini izləyicilərə nümayiş etdirib.

Baş Dövlət Yol Polisi İdarəsində həmin sürücü ilə profilaktik söhbətlər aparılıb, həmçinin yol hərəkəti təhlükəsizliyi əleyhinə olan bu cür videoların ictimaiyyət arasında məqsədli şəkildə  paylaşılmasının mənfi tərəfləri izah olunmuş və digər sürücülərə pis nümunə olmamaq üçün gələcəkdə belə səhvlərə yol verilməməsi tövsiyə olunub

 

Təbriz