Şəhərdə içi dolu sərnişinlə qanunu saymayan avtobus sürücüsü - VİDEO

Bakıda sərnişin avtobusu sürücüsünün qayda pozuntusunu oxuculardan biri videoya çəkərək redaksiyamızın qaynar xəttinə göndərib. Avtosfer.az xəbər verir ki, 36 saylı xətt üzrə fəaliyyət göstərən 90-HS-693 qeydiyyat nişanlı “Daewoo” markalı avtobusun sürücüsü qayda pozuntusunu fevralın 23-də paytaxtın Qara Qarayev prospektində törədib. Belə ki, avtobusu yüksək sürətlə idarə edən sürücü sarı işığın yanmasına əhəmiyyət verməyərək hərəkətinə davam edib.

Bəzi sürücülər bildirir ki, svetoforun sarı işığında hərəkət etmək olar. Onlar yalnız qırmızı işığın qadağanedici funksiyaysı olduğunu bilirlər. Lakin “Yol hərəkəti haqqında” qanunun 59-cu maddəsində qeyd olunub ki,  sarı rəngli işığın yanması hərəkəti qadağan edir və tezliklə siqnalların dəyişəcəyi barədə xəbərdarlıq edir. Hətta statistikaya nəzər salsaq, sarı işıqda keçən sürücülərin qəzaya düşmələri ilə bağlı faktlar da üzə çıxacaq.

Bir sözlə, bir çox sürücünün əhəmiyyətsiz bildiyi sarı işıq, onlarla, yüzlərlə insanın həyatına son qoyub.

Leyla