Şəhərin mərkəzində qoşa xətti saymayan sürücü cərimələndi - VİDEO

Bakıda nəzarət kamerası olmayan yerdə qayda pozan sürücü cərimələnib. Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. İdarənin bölmə rəisi, polis polkovniki Vaqif Əsədov açıqlamasında bildirib ki, 99-HZ-253 qeydiyyat nişanlı "Nissan Tiida" markalı avtomobilin sürücüsünün fevralın 3-də paytaxtın Fətəli xan Xoyski küçəsində qoşa xəttin tələbini pozaraq geriyə dönmə manevri etdiyinə dair yayılmış videogörüntüyə tərəfimizdən baxış keçirilib. Qayda pozuntusu öz təsdiqini tapdığından, sürücü Gözəlov İntizam Vaqif oğlu İnzibati Xətalar Məcəlləsinin 327.2-ci maddəsi ilə 3 bal 60 manat məbləğində cərimə edilib.

Şəfa