Şəhərin mərkəzində sərnişin düşürən "BakuBus" yolu bağladı - VİDEO
Qaydalar 27 Sentyabr 2021 15:30 Oxunub 2054
Şəhərin mərkəzində sərnişin düşürən "BakuBus" yolu bağladı  - VİDEO

Dayanacaqda sərnişin düşürən “BakuBus” avtobusu yolda uzun tıxaca səbəb olub. Sürücülərdən biri hadisə anını kameraya çəkərək redaksiyamızın qaynar xəttinə göndərib. Avtosfer.az xəbər verir ki, paytaxtın Süleyman Rəhimov küçəsində sərnişin düşürən “BakuBus” sürücüsü avtobusu çəpəki saxlayaraq yolun hərəkət hissəsini zəbt edib. Buna görə də sürücülər yolayrıcında qalaraq Azadlıq prospekti ilə kəsişmədə tıxaca səbəb olublar.

 

Qeyd edək ki, şəhərin əksər dayanacaqlarını şəxsi minik avtomobilləri ilə zəbt edən sürücülər bu cür mənzərələrin yaranmasına şərait yaradırlar. Avtobus sürücüləri isə sərnişinləri düşürmək üçün məcbur olub ikinci, üçüncü cərgədə dayanırlar. Nəticədə yolda tıxac yaranır və hamı bu vəziyyətdən narazılıq edir.

 

Fərid

ŞƏRH YAZ
Ad

E-mail

Şərh