Şəkidə saxta sürücülük vəsiqəsi ilə avtomobil idarə edən şəxs saxlanılıb - FOTO

Bu gün Şəki Şəhər-Rayon Polis Şöbəsinin Dövlət Yol Polis Bölməsinin əməkdaşları tərəfindən şəhərin M.Ə.Rəsulzadə prospektində Hyundai Elantra markalı, 99-SH-661 dövlət qeydiyyat nişanlı nəqliyyat vasitəsinin sürücüsü manevr etmə qaydasını pozduğu üçün saxlanılıb.

Avtosfer.az xəbər verir ki,  həmin nəqliyyat vasitəsini idarə edən şəxsin Şəki rayonu, Cəfərabad kənd sakini (uzun müddət Rusiya Federasiyasında yaşayan) Vəliyev Əliheydar Yunus oğlu olması müəyyən edilib.
Araşdırma zamanı, Əliheydar Vəliyevin sürücülük vəsiqəsinin saxta olması məlum olub. Bu səbəbdən, Vəliyev Əliheydar Yunus oğlu barəsində qanuni tədbir görülməsi üçün aidiyyəti üzrə Şəki Şəhər-Rayon Polis Şöbəsinin İstintaq Bölməsinə təhvil verilib.