Şəmkirdə sükan arxasında miokard infarktı keçirən sürücü maşını ağaca çırpıb. APA-nı verdiyi xəbərə görə, hadisə bu gün baş verib. Rayon sakini, 1938-ci il təvəllüdlü Hüseynov Fərman Qələndər oğlu özünə məxsus “VAZ-2107” markalı avtomobillə hərəkətdə olarkən sükan arxasında miokard infarktı keçirib. Nəticədə, avtomobil ağaca çırpılıb. Sürücünün ürəktutmadan öldüyü bildirilir.

Faktla bağlı araşdırma aparılır.