Azərbaycanda 24 gün əvvəl sürücülük vəsiqəsi alan şəxs "avtoş" kimi yaxalandı - VİDEO-FOTO

Şəmkir Rayon Polis Şöbəsinin Dövlət Yol Polisi Bölməsinin ( RPŞ DYPB) əməkdaşları rayon ərazisində avtoxuliqanlıq edərək ictimai-asayişi nümayişkəranə şəkildə pozan və bununla da vətəndaşların haqlı narazılığına səbəb olan avtoxuliqanlıq hərəkətləri edən sürücünü saxlayıb.

DİN-in Mətbuat Xidmətinin Gəncə regional qrupundan Avtosfer.az-a verilən məlumata görə, rayon sakini Zaur Hüseynquliyev sürücülük idarə etdiyi “VAZ 2106” markalı avtomobil ilə yollarda intizamsızlıq edərək, yol hərəkəti qaydalarını kobud şəkildə pozmaqla avtoxuliqanlıq etdiyi məlum olub.

Z.Hüseynquliyev barəsində Şəmkir RPŞ-nin DYPB-nin əməkdaşları tərəfindən inzibati qaydada protokollar tərtib olunaraq baxılması üçün məhkəməyə göndərilib. Məhkəmənin qərarı ilə o, 500 manat məbləğində cərimə edilərək 1 il sürücülük hüququndan məhrum edilib.

Avtosfer.az-ın əldə etdiyi məlumata görə, Hüseynquliyev sürücülük vəsiqəsini iyulun 16-da alıbmış. Cəmi 24 gün sonra sürücülük hüququndan 1 il müddətinə məhrum edildi.

Namiq Musayev