Sükan arxasına keçən azyaşlı uşaqdan təhlükəli hərəkət - VİDEO

Azyaşlı uşağın sükan arxasında təhlükə saçan videogörüntüsü sosial şəbəkədə yayılıb. Avtosfer.az xəbər verir ki, 99-PR-649 qeydiyyat nişanlı "Chevrolet" markalı avtomobilin sahibi azyaşlı uşağını sükan arxasına keçirərək avtomobilin idarə edilməsini ona həvalə edib. Özü isə bu hərəkəti videoya çəkərək sosial şəbəkədə paylaşıb.

Qeyd edək ki, 18 yaşı tamam olmamış şəxslərin nəqliyyat vasitəsini idarə etməsi qanunvericiliklə qadağandır. 
Valideynlərə tövsiyə edirik ki, uşaqların düzgün formalaşması üçün onların tərbiyəsi ilə ilk gündən məşğul olsunlar. Qanunları pozaraq və yaxud qanunu pozmağa dəvət edərək onları səhv yollara salmasınlar. Əks halda həmin tərbiyə ilə böyümüş uşağın gələcək həyatı sual altında olacaq. 

Təbriz