Sumqayıt bulvarının gecə "avtoşları" həbs edildi - VİDEO

Sumqayıt şəhərində bulvar ərazisində avtoxuliqanlıq edən şəxslər həbs edilib. Avtosfer.az xəbər verir ki, Sumqayıt şəhər sakinləri Emil Əkbər oğlu Əsgərov və Murad Əli oğlu Məlikməmmədli Sumqayıt şəhər Polis idarəsi Dövlət Yol Polisi Şöbəsinin əməkdaşları tərəfindən saxlanılıb.

Onların hər ikisi barəsində toplanan materiallar Sumqayıt şəhər Məhkəməsinə göndərilib.

Murad Məlikməmmədli 20 sutka, Emil Əsgərov isə 15 sutka həbs edilib. Hər iki sürücünün nəqliyyat vasitəsini idarə etmə hüququ 1 il müddətinə məhdudlaşdırılıb. 

Onlar etdikləri əmələ görə peşman olduqlarını bildirib.