Sürücü Bakı-Şamaxı yolunda bayramı yasa çevirəcəkdi: qorxulu anlar... - VİDEO

Sürücülərdən biri yolda üzləşdiyi təhlükəli hadisəni avtomobilindəki kamera ilə qeydə alaraq redaksiyamızın elektron ünvanına göndərib. O bildirir ki, martın 21-i Bakı-Şamaxı yolu ilə hərəkət edərkən sürücülərdən biri bütöv xəttin tələbini pozaraq əks istiqamətli hərəkət zolağında ötmə əməliyyatı edib. Ölümlə nəticələnən qəzanın baş verə biləcəyini gördükdə sağa manevr edərək təhlükədən son anda yayına bilib. 
Ümid edirik Baş Dövlət Yol Polisi İdarəsi həmişə olduğu kimi bu dəfə də dərhal reaksiya verərək həmin sürücü barəsində ciddi tədbir görəcək.

Qeyd edək ki, bayram günləri respublika əhəmiyyətli yollarda, o cümlədən rayonlarda ağır yol nəqliyyat hadisələri baş verdi. Bunun başlıca səbəblərindən biri məhz sürücülərin bu cür kobud qayda pozuntuları oldu. Sürücülərin adəti üzrə "tələsirəm" deyib özbaşınalıq etməsinin sonu həm özlərinin, həm də digər hərəkət iştirakçılarının ağır xəsarət alması və ölməsi ilə nəticələnir. 

Təbriz