Sürücü Masazır dairəsində oyun çıxardı, yol polisləri tamaşa etdi - VİDEO

Yol polisinin gözü qarşısında avtoxuliqanlıq edən sürücünün videosu sosial şəbəkədə yayılıb. Avtosfer.az xəbər verir ki, 99-MN-727 qeydiyyat nişanlı "Saipa" markalı avtomobilin sürücüsü günün qaranlıq saatında maşının işıqlarını söndürərək svetoforun qadağanedici işığında yüksək sürətlə Masazır dairəsinə daxil olub. O, sola sərt manevr edərək təkərlərin sürtünməsi səslərini çıxarıb və daha sonra növbəti svetoforda qırmızı işığa məhəl qoymayaraq Masazır qəsəbəsi- Əliağa Vahid küçəsi istiqamətinə əks yolla daxil olub.
Sürücü bütün bu hərəkətləri yol patrul xidməti əməkdaşlarının gözü qarşısında edib. Videodan göründüyü kimi svetoforun qırmızı işığında dayanan ypx avtomobilindəki polis əməkdaşları sürücünün hərəkətlərinə heç bir reaksiya verməyiblər.

Fərid