Sürücü ölümdən son anda qurtuldu: DYP-nin diqqətinə - VİDEO

Sürətli yolda əks istiqamətə çıxan sürücü ölümə səbəb olacaqdı. Avtosfer.az xəbər verir ki, oxuculardan biri başına gələn hadisənin videosunu redaksiyamızın elektron ünvanına göndərib. Belə ki, martın 4-ü Qaradağ rayonu Qızıldaş-Sahil yolunda əks istiqamətə çıxan 99-GT-131 qeydiyyat nişanlı "Mercedes" markalı avtomobilin sürücüsü axına qarşı hərəkət edib. Görüntüləri qeydə alan sürücü qəzanın baş verə biləcəyini görüb qəfil sağa manevr edərək hadisədən son anda yayına bilib. Avtosfer.az-a açıqlama verən oxucu bildirib ki, qaydaları pozan sürücünün hərəkətinə görə həmin vaxt çox həyəcan keçirib. Ümid edirik ki, Dövlət Yol Polisi idarəsinin əməkdaşları sürücünü müəyyən edərək barəsində ciddi şəkildə tədbir görəcək.

Təbriz