Xırdalanda 300 metr getməyə "ərinən" sürücü görün nə etdi - VİDEO

Xırdalan şəhərində əks istiqamətli yola çıxan sürücünün videogörüntüsü kameraya düşüb. Avtosfer.az xəbər verir ki, 10-FF-554 qediyyat nişanlı “Toyota” markalı avtomobilin sürücüsü fevralın 15-i Məmməd Əmin Rəsulzadə küçəsinə çıxan zaman sağa dönmək əvəzinə sola dönüb. Bu zaman yolun əksi istiqamətinə hərəkət edərək ayırıcı zolağın kəsiyindən sağ hərəkət hissəsinə keçib.

Sürücünün əks istiqamətlə hərəkət etdiyi yerdə yolun görünmə sahəsinin məhdud  olması videoda öz əksini tapıb. Əgər həmin vaxt qarşıdan avtomobil gəlsəydi qəzanın baş verməsi qaçılmaz ola bilərdi.

Qeyd edək ki, sürücü qaydalar çərçivəsində hərəkət etməsi üçün öncə sağa dönməli, daha sonra  qarşıdakı yolayrıcından geriyə dönərək müvafiq istiqamətdə hərəkət etməli idi. Buna görə isə cəmi 300-400 metr məsafə qət etməli olacaqdı.

Fərid