Sürücülər şəhər kamerasının yanında əks istiqamətə çıxıb qırmızıda keçdi - VİDEO

Xırdalanda yol hərəkəti qaydasını pozan iki sürücünün videogörüntüsü kameraya düşüb. Avtosfer.az xəbər verir ki, 99-PD-756 qeydiyyat nişanlı  “Khazar” markalı avtomobilin sürücüsü martın 21-də şəhərin Məmməd Əmin Rəsulzadə küçəsində hərəkət edərkən svetoforun qırmızı işığında dayanmadan hərəkət edib. Həmin zaman yolayrıcı boş olduğu üçün sürücü qəzasız ötüşə bilib.

Martın 26-ı Xırdalan şəhəri Mehdi Hüseynzadə küçəsində hərəkət edən 90-VA-538 qeydiyyat nişanlı “Niva” markalı avtomobilin sürücüsü əks istiqamətli zolaqda axına qarşı hərəkət edib, o cümlədən svetoforun qırmızı işığında sağa- Heydər Əliyev prospekti istiqamətində hərəkətinə davam edib. Hər iki sürücü qayda pozuntusunu təhlükəsiz şəhər kamerasının görünüş dairəsində törədib. Təəssüf ki, Xırdalan şəhərində olan nəzarət kameraları bu cür qayda pozuntularını qeydə almır. Ona görə də sürücülər yol polisi olmadığı halda intizamsızlıq edirlər.

Fərid