Sürücülük dərsi keçən xanım təlimçi "protiv" getdi - VİDEO

Bakıda sürücülük təlimi dərslərini keçən təlimçinin qayda pozuntuları sosial şəbəkədə yayılıb. O, öz qayda pozuntusunu şəxsi profilində paylaşaraq təlimçilərə məsləhətlərini verib. Avtosfer.az">Avtosfer.az xəbər verir ki, təlimçi xanım idarə etdiyi 90-LR-231 qeydiyyat nişanlı "Hyundai Accent" markalı avtomobillə paytaxtın Hüseyn Seyidzadə küçəsində hərəkət edərkən qarşıdakı avtomobili sağdan ötərək ötmə qaydasının tələblərini pozub.
O, daha sonra 20 yanvar küçəsində 1.1 xəttinin tələbini pozaraq əks istiqamətli hərəkət zolağına çıxıb.

Yaydığı təlim videolarından da anlamaq olur ki, dərsləri düzgün aparmır. Təlim zamanı çəkdiyi videoda ilk dərs günü olduğunu və öyrətdiyi şəxsi tıxaclı yollarda öyrətdiyini bildirir. Qeyd edək ki, ilk dərs günü boş yolda və ya yol sayılmayan sahələrdə ilkin vərdişləri öyrətmək lazımdır. Bir neçə dərsdən sonra şəhər yollarında hərəkət etmək məqbul hesab edilə bilər. Lakin təlimçi bu qaydalara riayət etmir. Hətta o, qaydaları açıqlamadan kor-təbii şəkildə keçir təlimi.

Təbriz