Yasamal sakinləri "qan ağlayır", nəzarət edən isə yoxdur - VİDEO

Yasamal rayon sakinləri düşdükləri çətin vəziyyətlə bağlı Avtosfer.az-ın qaynar xəttinə müraciət ediblər. Onların sözlərinə görə paytaxtın Mətbuat prospektində ("Hayat" klinikasının qarşısında) digər binanın sakinləri avtomobillərini ara küçədə park edərək yolu zəbt edirlər. "Sözügedən küçədə hər istiqamətə bir zolaq var. Ərazidə 6 bina var. Həmin binalardan birinin sakinləri avtomobilləri küçənin sağ zolağında park edərək yolu keçilməz edirlər. Qarşıdan maşın gələn zaman isə biz məcbur olub Mətbuat prospektinə kimi geriyə hərəkət etməli oluruq. Yerdə bütöv xətt və xəttin ortasında konuslar olmasına baxmayaraq sürücülər buna əhəmiyyət vermədən maşını orada saxlayırlar".

Sakinlər həmin ərazidə yaranmış çətinliyin aradan qaldırılması üçün aidiyyəti qurumlardan köməklik göstərilməsini xahiş edir.

Fərid