Yasamalda yol nişanının olmaması sürücüləri ağır qəzaya salır - VİDEO

Bakıda yol nişanının olmaması sürücüləri qəzaya salır. Avtosfer.az xəbər verir ki, söhbət paytaxtın Yasamal rayonu Nazim Hikmət küçəsindən gedir. Qeyd edək ki, sosial binalardan üzü A.M.Şərifzadə küçəsi istiqamətinə gedən hissədə sağ hərəkət hissəsini ayıran ayrıcı zolağın üzərində maneəni yanda keçməni bildirən məcburi hərəkət istiqaməti nişanı yoxdur. Eyni zamanda ayrıcı zolağı bildirən işıqqaytarıcı elementlər olmadığı üçün sürücülər günün qaranlıq saatlarında ayırıcı zolağa çırpılırlar. Nəticədə sürücülərə maddi ziyan dəyir.

Ümid edirik ki, Bakı Nəqliyyat Agentliyi sözügedən problemi tez bir zamanda aradan qaldıracaq.

Fərid