Yol polisi maşından yük boşaldan sürücünü 500 manat cərimələdi - FOTO

Bakıda haqzıs yerə cərimələndiyini bildirən sürücü redaksiyamızın elektron ünvanına müraciət ünvanlayıb. Nicat adlı sürücü bildirir ki, idarə etdiyi “Ford” markalı avtomobildən yük boşaldan zaman yol polisi onu 500 manat məbləğində cərimələyib: “Məni buna görə 500 manat cərimə ediblər və deyiblər ki, nömrəni üzərini bağlamışam. Halbuki hər iki tərəfdə nəzarət kamerası var və qabaq nömrə isə açıqdır. Mən 2 dəqiqə ərzində mağazaya su verən zaman polis əməkdaşı mənə cərimə yazdı.  Yük yerinin qapısına taxta söykəmişdim ki, su bidonları yerə dağılmasın. Polis əməkdaşı isə bildirir ki, mən nömrənin üzərini bağlamışam. Hansı ki, nömrəyə heç bir müdaxilə etməmişəm”.

Sürücü yazılmış cərimədən narazıdır və Dövlət Yol Polisi İdarəsinin rəhbərliyindən qərarın ləğv edilməsini xahiş edir.

Emin