Yol polisi pərdəyə görə cərimə yazdı: Qadağa yenidən qayıdır? - FOTO

Qaydalar 17 Yanvar 2022 15:25 Oxunub 14770
Yol polisi pərdəyə görə cərimə yazdı: Qadağa yenidən qayıdır?  - FOTO
WhatsApp kanalımıza abunə ola bilərsiniz

Avtomobilin arxa yan şüşəsinə pərdə vuran sürücü cərimələnib. Avtosfer.az-ın qaynar xəttinə şikayət ünvanlayan sürücü Ramin Abdullayev bildirir ki, yanvarın 13-də idarə etdiyi 99-VB-062 qeydiyyat nişanlı “Hyundai” markalı avtomobillə Balakən rayonu ərazisində hərəkət edərkən onu yol polisi əməkdaşı saxlayıb: “Yol polisi əməkdaşı mənə bildirdi ki, rəisin göstərişi ilə avtomobil duracağa getməlidir. Səbəbi soruşduqda, arxa yan şüşələrdə pərdənin olmasını bildirdi. Mən ona pərdənin qadağan olunmadığını bildirsəm də polis əməkdaşı məcburi şəkildə avtomobili duracağa yerləşdirdi”.

Sürücü R.Abdullayev bildirir ki, avtomobil 4 saat duracaqda qaldıqdan sonra ona 150 manat cərimə yazılıb.

Xatırladaq ki, bir neçə il öncə Daxili İşlər naziri şifahi şəkildə göstəriş verərək bildirib ki, qanunvericilikdə növbəti dəyişiklik olana kimi arxa yan şüşələrə pərdə, plyonka çəkilməsinə görə, sürücülər məsuliyyətə cəlb edilməsin.

Emin

ŞƏRH YAZ
Ad

E-mail

Şərh