Yol polisini söyən sürücü həbs olundu - FOTO

Bakıda polisə tabe olmayaraq müqavimət göstərən sürücü həbs olunub. 

Avtosfer.az xəbər verir ki, hadisə Nizami rayonunda  baş verib. "Ford Fujin" markalı, 99-VT-515 dövlət nömrə nişanlı avtomobilin sürücüsü Musayev Şahin Rəşad oğlu manevr qaydasını pozduğu üçün Mikayıl Əliyev küçəsində saxlanılıb. Saxlanılan zaman polislə münaqişə yaradan sürücü təhqiredici ifadələr işlədib. Hadisə yerinə Nizami rayonu Dövlət Yol Polisi şöbəsinin əməkdaşları tərəfindən Post Patrul Xidmətinin əməkdaşları cəlb olunub. Polis bölməsinə aparılan sürücü barəsində toplanmış matriallar və onun nalayiq ifadələr işlətməsinə dair sübutlar Nizami rayon məhkəməsinə təqdim olunub. Məhkəmənin qərarı ilə sürücü İnzibati Xətalar Məcəlləsinin  535-ci maddəsi ilə təqsirləndirilərək 20 gün müddətində inzibati qaydada həbs edilib.

Şəfa Nəsibova