"011" ağaca çırpıldı, yaralanan var

Bu gün saat 15:00 radələrində Qarməryəm-İsmayıllı-Şəki magistral yolunn 140-cı km-də Şəkinin Küngüt kəndi ərazisində yol qəzası qeydə alınıb. Avtosfer.az regiontv-yə istinadən xəbər verir ki, hadisə zamanı Şəkinin Baş Kəldək kənd sakini Ramazanov Yusif Mirsaleh oğlu idarə etdiyi 55-BC-472 dövlət nömrə nişanlı "VAZ-21011" markalı avtomobillə kənd istiqamətində hərəkətdə olarkən qəfildən idaretməni itirib. 

Nəticədə avtomobil yoldan çıxaraq yol kənarındakı ağaca çırpılıb. Qəza zamanı avtomobildə tək olan sürücü müxtəlif dərəcəli bədən xəsarətləri alıb. Xəsarət alan şəxs dərhal hadisə yerinə cəlb olunmuş həkim briqadasının köməkliyi ilə Şəki RMX-yə çatdırılıb. 

Qəzanın dəqiq olaraq hansı səbəblərdən baş verdiyi bilinmir. Faktla bağlı baş dövlət yol polisi idarəsinin istintaq bölməsi tərəfindən araşdırmalar aparılır. Qəzanın dəqiq səbəbləri aparılacaq araşdırmalardan sonra bəlli olacaq.