“07” yük maşını ilə toqquşdu; 5 ölü, 1 yaralı - FOTO

Rusiyanın Altay bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə A-322 (Barnaul - Rubçovsk) trasının 265-ci kilometrliyində, Rubçovcsk rayonu ərazisində qeydə alınıb. Bu barədə avqustun 17-də Rusiya Fövqəladə Hallar Nazirliyinin Mətbuat xidmətindən məlumat verilib.

Məlumata görə, “VAZ-2107” markalı  minik avtomobili, “Renault” markalı yük maşını ilə toqquşub. Zərbənin təsirindən “VAZ” deformasiyaya uğrayıb.

Qəza nəticəsində minik avtomobilindən olan 5 nəfər (3-ü kişi, 2-si qadın) aldıqları xəsarətlərdən vəfat ediblər. Yük maşınının sürücüsü isə yaralanaraq xəstəxanaya çatdırılıb.

Faktla bağlı araşdırmalara başlanılıb.

Namiq Musayev