14 yaşlı yeniyetmədən dəhşət doğuran qəza - VİDEO

İcazə almadan atasının avtomobilini idarə edən yeniyetmə qəza törədib.
Avtosfer.az xəbər verir ki, dəhşətli hadisə dünən gecə saatlarında Almaniyada qeydə alınıb. Videodan göründüyü kimi, “Volkswagen” markalı avtomobil yoldan çıxaraq meşəliyə düşüb. Ağır yol-nəqliyyat hadisəsinin baş verməsinə səbəb yüksək sürət həddi olub. Belə ki, sürət həddini sıxan 14 yaşlı yeniyetmə avtomobilin idarəetməsini itirərək ana yoldan çıxıb. Avtomobil meşəliyə düşərək ağaca çırpılıb.  Nəticədə “Volkswagen” tamamilə yararsız vəziyyətə düşüb. Hadisənin təəccüb doğuran məqamı isə yeniyetmənin yüngül xəsarətlərlə ağır qəzadan qurtulması olub.
Qeyd edək ki, aparılan araşdırma zamanı onun valideynlərindən xəbərsiz sükan arxasında əyləşdiyi və adrenalin yaşamaq üçün sürəti yüksəltdiyi müəyyənləşib.

Nərmin