16 yaşlı yeniyetmə oğruladığı “Mercedes”lə qəza törətdi - VİDEO

Sabunçu rayonunun Maştağa qəsəbəsində oğurluq avtomobillə qəza baş verib.
Avtosfer.az-ın məlumatına əsasən, hadisə bir neçə gün əvvəl günorta saatlarında qeydə alınıb. Videodan göründüyü kimi, 99-DM-393 dövlət nömrə nişanlı, “Mercedes” markalı avtomobil yoldan çıxaraq dəmir dirəyə girib. Hadisə şahidlərinin sözlərinə görə, qəzaya səbəb 16 yaşlı şəxsin avtomobili yüksək sürətlə idarə etməsi olub. Belə ki, o, avtomobilin sahibindən xəbərsiz halda sükan arxasında əyləşərək bədbəxt hadisəni törədib. Nəticədə “Mercedes” yararsız hala düşsə də sürücü xəsarət almayıb.
Qeyd edək ki, qəzaya səbəb olan yeniyetmə avtoyuma məntəqəsində işləyir. 

Nərmin