“20 Yanvar”da idarəetməni itirən sürücü “KIA”nı ayırıcı səddə çıxardı - VİDEO

Paytaxtın Rövşən Cəfərov küçəsində yol-nəqliyyat hadisəsi baş verib.

Avtosfer.az-ın məlumatına görə, hadisə yanvarın 23-də gecə saatlarında qeydə alınıb. Belə ki, hərəkətdə olan 99-TD-898 dövlət nömrə nişanlı “KIA” markalı avtomobilin sürücüsü qəzaya uğrayıb. Hadisə şahidlərinin iddiasına görə, qəzaya səbəb yüksək sürət həddi olub. Nəticədə idarəetməni itirən sürücü maşını ayrıcı səddə çıxarıb. Qəza zamanı xəsarət alan olmasa da, avtomobilə maddi ziyan dəyib. 
Qeyd edək ki, hadisə yerinə DYP əməkdaşları cəlb olunub, qəzalı maşın ərazidən kənarlaşdırılıb. 

Faktla bağlı araşdırma aparılır.

Nərmin