25 yaşlı gənc qəza törətdi

Ötən gün Samux rayonu ərazisində bir nəfərin ağır bədən xəsarətləri alması ilə nəticələnən yol nəqliyyat hadisəsi baş verib. Avtosfer.az Kəpəztv-yə istinadən bildirir ki, rayonun Qarayeri qəsəbə sakini, 25 yaşlı Emin Qiyasov idarə etdiyi "Jiquli" markalı avtomobillə hərəkətdə olarkən anidən idarəetməni itirib. Nəticədə minik maşını aşıb. Qəza nəticəsində avtomobildə tək olan 25 yaşlı gənc ətrafdakı insanların köməkliyi ilə Gəncə Şəhər TTYX-nın Travmatologiya şöbəsinə gətirilib. Xəstəyə ilkin tibbi yardım göstərilib və daxili patologiya aşkar olunduğundan o, cərrahiyyə şöbəsinə yerləşdirilib. Hazırda zərərçəkmişin vəziyyəti normal qiymətləndirilir. Faktla bağlı Samux Rayon Polis Şöbəsində araşdırma aparılır.